శివోహం!

గృహస్తులకు రోల్ మోడల్ శివుడు!

ఒక భార్య నెత్తినెక్కి నాట్యం చేస్తోన్నా, మరో భార్య ,ఇద్దరు కొడుకులతో ఇల్లు(కైలాసం) నిత్యం సందడిగా ఉన్నా, తను మాత్రం ధ్యానముద్రలో, తపో దీక్షలో మునిగి ఉంటాడు. అంతటి ఏకాగ్రత ఆయనకెలా సాధ్యం అవుతోందో!

అదే ఏకాగ్రత మనకూ అవసరం. ఎందుకంటే పనికి పని చేసుకుంటూ, సంసారానికి సంసారం చేసుకుంటూ రెండింటా 'విజయుడు' గా నిలవాలంటే ఈ విషయంలో శివుడిని ఆదర్శంగా తీసుకోక తప్పదు మరి. ఇక్కడ మన విషయంలో పని అంటే కేవలం ఆఫీసు వర్కే కాదు, సమాజం గురించి పట్టించుకోవడం అని కూడా వస్తుంది. అయితే అంతటి ఏకాగ్రత సాధించడం అన్నది మనవాళ్ళ అయ్యే పనేనా? ఉదయం పేపరు చదివేలోపు శ్రీమతి గారు ఎన్నిసార్లు భాగం కలిగిస్తారో. పేపరు చదివెందుకే కుదరని సంసారం లోకోద్ధారణ చేయనిస్తుందా? శివోహం!