తరతరాలుగా ఆమె అడుగుతూ వచ్చింది సగమే. ఎందులో సగమో ఆమెకే తెలియని స్థితిలో ఉన్నప్పుడు ఆకాశంలో సగంఅంది సమాజం. అందని ఆకాశంలో కాదు, అంది వచ్చే అవకాశంలో సగం కావాలని పోరాడింది నిన్నటి తరం. ఫలితంగాఈరోజు నింగి నుంచి నేల దాకా ఆమె అన్నింటా ఉంది. చదువుకుంటోంది, ఉద్యోగం చేస్తోంది, రచనలు చేస్తోంది, రాజకీయాలను నడుపుతోంది, సంస్థలను దిగ్విజయంగా నిర్వహిస్తోంది, సంఘ సేవ చేస్తోంది... ఇంకా ఎన్నో చేస్తోంది.
సగమే కాదు ఇంకా ఎక్కువే సాధించింది ఆమె.
అయితే మగవాడి మనసులో మాత్రం సగం స్థానాన్ని సాధించలేక పోతుంది. ఫలితంగానే ప్రేమ పేరిట వేధింపులు, దాడులు, హత్యలు, అఘాయిత్యాలు. పని చేసే చోట నుంచి రోడ్డుపై తిరిగే దాకా సాధింపులు. రాష్ట్ర గవర్నరు బంగాళానుంచి స్వామీజీ ఏకాంత మందిరం వరకు ఆమె విలాస వస్తువే అయ్యింది. ఆమె వ్యక్తిగత జీవితం న్యూస్ చాన్నెల్లసేన్సేషనే అయ్యింది. ఇంకా ఈనాటికీ ఇంట్లో అందరికీ వండి పెట్టే బాద్యత నుండి ఆమెకు విముక్తి కలగలేదు. బయటకువెళ్ళే పెళ్ళాం మీద మొగుడికి అనుమానం కలగడం మామూలు విషయమే అయ్యింది.
సమాజం సగం అవకాశాలను ఇచ్చి ఆమె సామర్థ్యాలను వాడుకుంటుంది తప్ప తగిన గౌరవాన్ని ఇస్తుందా అంటే లేదనేచెప్పాలి. సమాజానికే కాదు ప్రభుత్వానికే ఆమె మీద గౌరవం లేదు. ఉంటే ఆయేషా కేసు ఎప్పుడో పరిష్కరించబడేది. మహిళను గౌరవించే, రక్షణ కల్పించే చట్టాలు లేక కాదు. అటు చట్టాల మీద కాని, ఇటు మహిళల పట్ల కాని గౌరవం లేని నాయకులు ఉండడం మూలంగానే ఈ దురవస్థ.
నిజానికి సాధికారత కోసం, స్వాతంత్ర్యం కోసం ఆమె చేసిన పోరాటమే, ఆమె సాధించిన గెలుపే ఆమె పాలిట శాపంఅయ్యింది. తన ఇష్ట ప్రకారం తను దేన్నయినా పొందే అధికారం తనకు ఉంది. అందుకే ఆమె తనకు ఇష్టమైన వాడ్నిప్రేమిస్తుంది. ఇష్టమైన వాడ్ని పెల్లిచేసుకుంటుంది. ఇష్టమైన వాడితో సుఖ పడుతుంది. అయితే ఈ స్వేచ్చనే సమాజంఅపార్థం చేసుకుంటుంది. కారణం మగాడు ఇంకా ఆమెను తనతో సమానంగా చూడలేక పోవడమే. తన మనసులోఆమెకు సగం ఇవ్వకపోవడమే.
ఆమె స్వేచ్చను గౌరవించే రోజు రావాలి. ఆమె ఇష్టాన్ని అంగీకరించే రోజు రావాలి. ఆమె కోరికలను అర్థం చేసుకునే రోజురావాలి. ఆమె కష్టాన్ని పంచుకునే రోజు రావాలి. మహిళాదినోత్సవ సందర్భంగా ఇది నా ఆకాంక్ష.
yes
రిప్లయితొలగించండిshe is really half
without she no he
she+he equals to human being
so, no need to fight for that.
god created in that manner
we are unknowingly separating and discussing about woman