వాట్సప్ పంచ్ 8

                                                                           ఎవరు పేద?

బాగా డబ్బున్న మారాజు ఒకరు, తన కొడుకుకు పేదరికం అంటే ఏమిటో తెలియచెప్పాలని పల్లెలకు తీసుకుపోయాడు. కొద్ది రోజులు తిరిగొచ్చాక కొడుకును అడిగాడు ''పేదరికం అంటే అర్థమైందా'' అని. అర్థమైందన్నాడు కొడుకు. ఏమర్థయ్యిందో చెప్పమన్నాడు.

కాపలా కాసేందుకు మన దగ్గర ఓకే కుక్క ఉంటే వాళ్ళ దగ్గర అరడజను కుక్కలున్నాయి.
ఈదులాడేందుకు మనకు ఒక చిన్న స్విమ్మింగ్ పూల్ ఉంటే వాళ్ళ దగ్గర పెద్ద నదే ఉంది.
మన దగ్గర బల్బులున్నాయ్. వాళ్ళకు నక్షత్ర కాంతులున్నాయ్.
మన ఇల్లు కొన్ని గజాల స్థలంలో ఉంటే, వాళ్ళ దగ్గర ఎకరాల కొద్దీ విశాలమైన భూమి ఉంది.
మనం తినేదాన్ని షాపులో కొనుక్కోవాలి, వాళ్ళు అప్పటికప్పుడు కోసుకుని, వండుకుని తాజా కూరలు తింటారు.
నేను ఆడుకోవాలంటే నాకు కంప్యూటరే దిక్కు, వాళ్ళ పిల్లలకు చాలా మంది స్నేహితులున్నారు. నా స్నేహితులంతా పేస్ బుక్ లో ఉండే ఫేక్ అక్కౌంట్ గాళ్ళు. వాళ్ళకు నిజమైన స్నేహితులున్నారు.
మనకు డబ్బుంటేనే సంతోషం. ఎప్పుడూ సంతోషంగానే ఉంటారు కాబట్టి వాళ్లకు డబ్బుతో పనిలేదు.
వాళ్ళ తండ్రులు పిల్లలతో ఎక్కువ సమయం గడుపుతారు. కలిసి ఆడతారు, పాడతారు. మన డబ్బున్నోళ్ళకి అంత టైముండదు.  
....

కొడుకలా చెప్పుకుపోతోంటే తండ్రి నోట మాటరాలేదు. చివరికి కొడుకన్నాడు.
''థాంక్స్ నాన్నా! ఈ టూర్ వల్ల మనమెంత పేదరికంలో ఉన్నామో నాకు బాగా అర్థమైంది''