క్యాలెండర్ అందాలు

ఒకప్పుడు దేవుళ్ళ బొమ్మలతో క్యాలెండర్లు వచ్చేవి. 'మడిసన్నాక కూసింత కళాపోసనున్డాలి ' అని ఆ తర్వాత ఎవరో చెప్పేసరికి దేవుళ్ళ స్థానే ముందు ప్రకృతి సౌందర్యం, ఆ తర్వాత స్త్రీ సౌందర్యం (అంటే కులకాన్తలు కాదు సుమా! చిత్రకారులు ప్రాణం పోసిన యవ్వనవతులు, వెండితెరపై మెరసిన అద్భుత సుందరీమనులూనూ) క్యాలెండర్ పేజీలకు ఎక్కింది. ఇక ఇప్పుడైతే క్యాలెండర్ రూపకల్పన అనేది సృజనాత్మక పరీక్షగా, స్టేటస్ సింబల్ గా, వాణిజ్య అభివృధికి తోడ్పడే ఒక అంశంగా మారింది. ఇలాంటి మార్పులు వచ్చే కొద్దీ , డబ్బు కుమ్మరింపులు ఎక్కువయ్యే కొద్దీ , మొదట్లో ముద్రించబడిన నిండారు కోక చుట్టిన ముగ్ద సౌందర్యం కాస్త నగ్న సౌందర్యంగా మారింది. క్యాలెండర్ పై ఒకప్పుడు కేవలం మోడళ్ళు మాత్రమే అందాలను ఆరబోసుకునే వారు. ఇప్పుడు తెరపై పవిత్రమైన పాత్రలలో కనిపించే భామలు సైతం డబ్బుకోసం సై అనడంతో క్యాలెండర్కు అదనపు శోభ వచ్చింది. ఇప్పుడు మీరు చూస్తున్న ఫోటోలు డబ్బూ రత్నాని అని ఒక ప్రఖ్యాత ఫోటో గ్రాఫర్ ౨౦౧౧ క్యాలండర్ కోసం తీసిన ప్రముఖ తారామణుల ఫోటోలు. చూసి తరిద్దాం.